tg-me.com/abdullaalfregy/1120
Last Update:
مسلم امام العشك
وسلطان اهل الهوه
حَب الحسين بوفة
وبحبه گلبه ارتوه
.
حبه خلاه يعبر هيمة . ما عبرهه انسان
هيمة اليطب بيها تالي . يموت عطشان
بس كلبه بحسين اتروى . ويمه العطش هان
.
من طب على الكوفه
وحجة مكتوب امامة
.
جنه علي يسولف
شبيهه بالشهامة
.
بفي غيرته وزودة
جمع كل النشامة
.
كل الغيارى . لم شملهم . بايعوه مولاه
ابن مظاهر . هاني ابن عروة . وابن عبدالله
………………………..
ابيت الموالي لعلي
المختار مسلم كعد
والتمو اهل الوفه
وكلب السفير انسعد
.
اتقدملة عابس سولفه . عن نوايا الناس
وكله حبكم خلاني امشي . وما ادنك الراس
فدوه لابو الاكبر روحي . ولتراب عباس
.
وسولف حبيب ابن
مظاهر . كلمة وحده
.
كال انه وي عابس
اخوي بفرد هدة
.
ومسلم فرح كلبه
سمع كلمة تسعده
.
ومسلم يباوع . للسوالف .وانسعد كلبه
ومن بقه وحده . سجد سجده . اوشكر ربه
……………………………
وسلطان اهل الظلم
لمن دره بنيته
ما خلة صاحب اله
ومسلم بقى بغربته
.
انسجن اليبايع مسلم . لو صار مذبوح
جم شهم مجتوفه اجفوفه . وبالسجن مطروح
وضل هاني ابن عروة بدمة . عالكاع مذبوح
.
مسلم بقى لوحده
غريب وماله ناصر
.
لصحابه متالم
ويون بكسر خاطر
.
اتمنه ابو فاضل
وياه هسه حاضر
.
وراح اعلى طوعه . البكلبها . حب علي الكرار
ارتاح بسكنها . وللشهادة . اتجهز المغوار
………………………………..
صلة صلاة الصبح
وارتدى درع الحرب
اتعنوله والهاشمي
ما خلى الهم گلب
.
الّغدرو بحيدر عمه . رجعو وخانوه
و البايعو اهل الكوفه . ما اجو ونصرو
عطشان مسلم ويحارب . بالشمس خلوه
.
بس هو ما مهتم
هد بسيفة الاركاب
.
طالبي وبسيفه
ابد ما يخطي بصواب
.
حي الله ابو طاهر
طوعه اتكله بالباب
.
حيالله مسلم . عمه حيدر . ذابح الفرسان
سيف الهواشم . اخو ابو فاضل . ذبل الشجعان
………………………….
من بعد ما يمنته
دارت زمام الحرب
صاباه مسلم عطش
وما صحله ماي الشرب
.
حر العطش تعب مسلم . ما عانته اجفوف
وحيله خانه وحييل رايد . اليثلم اسيوف
غدرو وصابو بضهره . وبيه اضلم الشوف
.
صابوه على اجتافه
وهوى هويت الشراع
.
ومن القصر مسلم
رفع ايده للوداع
.
شمروه ابو طاهر
من القصر للكاع
.
ودمه يويلي . عالترايب . باقي بالكوفة
الما يسوى ذرة . من ترابه . واكف يشوفه
لطلب اللحن @k_rark
BY الشاعر عبدالله الفريجي
Warning: Undefined variable $i in /var/www/tg-me/post.php on line 280
Share with your friend now:
tg-me.com/abdullaalfregy/1120